Mwenyekiti kamati ya maadili ya shina la JPM ataka mshikamano dhdi ya Wamachinga

MWENYEKITI wa kamati ya maadili ya  Shina la CCM JPM lililopo Kariakoo Mtaa wa Kongo na Mchikichi, Omary Irunga, amewataka wana CCM wawe na umoja na mshikamano katika kuelekea uzinduzi wa shina hilo unaotarajiwa kufanyia hivi karibuni.

Akizungumza na Raia Tanzania, Omary, amesema ni wakati wa kuungana na kushirikiana kwani mshikamano ndio chanzo cha kujenga fursa nzuri ndani ya chama na kuleta matokeo chanya ya kimaendeleo.

Aidha, Mwenyekiti huyo amewataka wajumbe wanaoinda shina hilo waondokana na unafiki maana kama watakuwa na unafiki utaharibu mshikamano wao na kuleta picha mbaya miongoni mwa wananchama wao na kuiletea sifa mbaya Chama cha Mapinduzi CCM.

Amesema ni wakati wajumbe kushirikishana kwa kila jambo ili kufikia maendeleo na kuachana na majungu yasiyo na maana.

"Mshikamano muhimu sana, lakini mshikamano wetu utajengwa kama maadili yatazingatiwa ipasavyo, hatuwezi kufikia maendeleo kama tunasimamia majungu, unafiki na fitina, tukumbuke mwamvuli tuliojifichia umebeba roho za watu wenye imani na  sisi, wanahitaji kuona wanafikia maendeleo , hivyo ni wakati wetu sasa kuacha kukumbatia dhambi ya uoga na badala yetu tuseme ukweli ambao utamkomboa Mmachinga katika kufikia Tanzania ya Viwanda na Uchumi wa kati"Amesema Omary

Katika hatua nyingine, Mwenyekiti wa Shina, Hamisi Sadiki, amewataka wajumbe wote waliojiandikisha katika shina hilo waende kuonana na Uongozi ili wajiandikishe upya na walipie kadi zao kwani muda uliobakia ni mdogo.

Naye mjumbe wa Shina hilo, Kaisi Nassoro, amesema kuwa ili kufikia maendeleo katika shina hilo ni lazima kila kiongozi ajitambue na ajue majukumu yake na kwa wananchama wake bila kupepesa macho na kuyumbishwa kwani CCM ya sasa tofautin na ya zamani .

Katibu wa Shina, Anani Helah, amewataka wajumbe wote waliokata tamaa na uzinduzi wa shina hilo wawe na amani kwamba taratibu za uzinduzi zinafuatwa na wakati wowote  mambo yatakuwa hadharani.